Veng Lal Fapa Thawn An Sualaw Ih Veng Lal In A Vaw That

Ayeyarwady peng, Pathein khawpi, Chaungtha tiva kap ah veng lal le a dungthlun pawlin tualsung mino 3 an vel, an vaw ciamco ih mino pakhat cu siizung a thlen hnuah a thi.

Mino 3 cu tiva ah takkolh in nuam an cen, bike thawn an tlun lamah veng lal Chan Thar Aung le a dungthluntu mi 6 in an rak vel. KKK dawr kawt ah an rak dingter ih an vaw ciamco.

Mit hmutu in, “Veng lal Chan Thar Aung in bike thawn ra tlan mino pawl cu ‘himi mino pawl hi ka hmu dah lo, rinhlel um an si’ tin a kaihter hnuah an vaw ciamco. An vuakmi mino pakhat cu thihnai lakah a talbuai ih siizung an tlanpi hnuah a thi” a ti.

An vuak thatmi cu Chaungtha ahmat (2) veng ih um kum 23 mi Wei Lyan Phyo a si ih April 18 sun ah an vuaknak hliamhma tuar loin a thi.

Tualsung mi pakhat in, “An vuak thatmi mino le veng lal fapa hi an sualaw zo, Pho Kala lilawn parah á¹­ongkam an el’aw ih an sualaw. A pa veng lal hnenah a hek, a pa cu veng lal a si ih hro a suang” a ti. Mi vaw thattu veng lal Chan Thar Aung le a dungthluntu mi 6 cu Chaungtha palik pawlin an kai tin vengsung mipi pawlin media hnenah an sim thei.

Be the first to comment

Leave a Reply

Your email address will not be published.


*