Vietnam Ramlak Ah Tarzan Ngai An Hmu

Kum 46 mi Ho Van Lang cu ‘Tarzan ngai’ tin an ko, a sentet lai ihsin ramlak ah aum ih khuasung mipi pawl thawn an pehtlaihaw dah lo. Vietnam ral lai, 1972 kum ah American ralkap pawlin bomb an rak thlak ciamco.

Ho Van Lang tei inn khal bomb in a thlak ngah ih a nu le a unau 2 an thi. A pa in a upa thawn ramlak, hmun hlanpi ah a tlanpi ih an khuasa lanta. Ho Van Lang cu nauhak te a si lai ih leitlun ah minung dang an um le um lo khal a thei nawn lo. A pa khalin zianghman a sim lo.

Thingkung parah thlamte an sak ih an um. Thingtheirah phunphun, ramsa le khuaitizu tipawl an ei ṭheu, ramlak ah minung an hmuh asilen an ṭih tuk ih an tlan ciamco ṭheu tin ramtawi pawlin an rel.

2015 kum ah khuasung ah an hruai thei, Ho Van Lang in nunau pawl a hmuh veten mak a tituk. Ziangruangah nunau le mipa kan um tikhal a theithiam hrih lo ih mipa-nunau cakhiarnak khal anei thei lo ti a si.

A caancaan leh ramlakah an va tlanlut ṭheu ih khuasung upa pawlin an va lem ih an hruai sal. A upa Alvaro Cerezo in “Ho Van Lang cu naute vek a si lai, naute upa taksa sungih um a si.

Sia le ṭha khal a thethiam hrih lo, mi pakhat hi va sualaw ka ti asilen a sual ciamco hngal ding. Naute vek a si, sia le ṭha khal a theithiam hrih lo” a ti. Tu’ahcun mipi lakih tlanlen cu nuam a ti phahphah thlang.

Be the first to comment

Leave a Reply

Your email address will not be published.


*