Vietnam RC Sister Pawl Cu Covid-19 Volunteer In An Poksuak

Vietnam, Dong Nai province ih um RC Sister 8 cu Xuan Loc siizung le quarantine centers ah Covid-19 damlo pawl tuamhlawm dingin pum an peaw.

Training mallai an kai ta ih tu’ahcun a takram ih hnaṭuan dingin an poksuak. Damlo pawl an tuamhlawm ih rawl an pe, building an tifai.

Sister Kim Anh in nikhatnak ah Covid-19 positive mi 5 thawn an daiaw, nathrik kai ding cu a ṭih zet nan “Pathian thawn kan umtlang ih ka hnangam tuk, damlo pawl cu ka ṭapa, ka farnu an si ih bawm an ṭul tuk” a ti.

Damlo pawl hrangah thlacamnak an neihsak ṭheu ruangah damlo pawl khal an hnangam zet. Bien Hoa Health Center hotu Dr. Lan Anh in “Sister pawl cu Covid-19 natsia do dingin ra poksuak vancung mi vek an si” a ti.

Vietnam ramsung ah Covid-19 thlisia a veilinak a hrang rero lai, April thla ihsin tutiangah damlo 161,431 le mithi 1,660 zat an um zo.

Be the first to comment

Leave a Reply

Your email address will not be published.


*