Vur Tlang Ihsin Tla That Ruangah Mi 2 Thiamlo Coter

April 6, 2019 ah The Summiter kaihruainak ah mino 21 cu Kachin State, Fangram Razi vur tlang par ah an kaiso. April 12 zinglam nazi 8:50 ah tlangzim ah an um ih Myanmar thantar an zar hnuah rampi hla an rem.

An ṭum lamah fala Ma Saint Htet cu tlangpar ihsin a tla that, a tlaknak hi pi 2000 lenglo ih sang a si. Ni 45 sung an hawl hnuah a ruak an hmu, a nulepa in The Summiter hruaitu pahnih Zaw Zin Khaing le Aung Khaing Myint cu taza an cuai.

Tlangpar kainak ih hruaitu an si ih hridai an keng lo ruangah Ma Saint Htet in cansualnak a tong, an daithlang ruangah a si tin taza an cuai. Kum 3 hnu April 27, 2022 ah The Summiter hruaitu pahnih cu court in daithlannak ruangah thihhlohnak thleng timi thubuai an orhter ih kumkhat le hrek veve thawngtla dingin le sumpai ting 2 kuan dingin an thu an ṭhencat.

An sungkhat in, “Hremnak an pekmi cu zianghman a si lo, tlangpar kai dingih hruaitu an si ih hridai keng ringring a ṭul ti khal an theicia. Thu an sutnak ah hridai an keng lo thu khal an phuangaw. An daithlan ruangah a si, kumkhat hrek lawng thawngtla dingin hremnak an pe, sumpai ting 2 in minung nunnak an thleng” a ti.

Be the first to comment

Leave a Reply

Your email address will not be published.


*