Vutbuak Le Pinkhunggyi Khua Lal An Kap That

September 8, 2021 zan nazi 9:00 hrawngah Vutbuak le Pinkhunggyi khua lal an kap that, zo pawlin an kap that ti cu theih a si lo.

Pinkhunggyi khuami in “Meithal awn vei 4 lawng ka thei, midang pawlin cu aiin a tam ding an ti. An inn ah amah lawng ih aum laiah an kap that, kum 40 mi hrawng a si. Vutbuak khua lal khal an kap that” a ti.

September 8 zan thotho ah Kalaymyo, Htauk Kyan le Thayar Kone khua karlak ih tlan ralkap motor cu PDF (Kalay) pawlin bomb le meithal in an rak kap ciamco. PDF (Kalay) lamah hliamtuar an um lo, ralkap lakah mithi le hliamtuar an tam zet ding nan ziangzat an thi, hliamtuar ti cu theih a si lo.

Kalaymyo ramsung ah ralkap pawl nasa zetin an rak cangvai rero zo, Kyan Thar khua ih inn 9 an urkang. Doe Nwe khua khalah thinlung lam ciangkuang lo mi pakhat telin sualnak nei lo khuasung minung 3 cu nasa zetin an velh hnuah an that ih, an ruak khal tikawng ah an hlon.

Be the first to comment

Leave a Reply

Your email address will not be published.


*