‘Wa’ Palai In, “Tuiṭum Ramsung Buainak Cu Kawl Miphun Pawl Buainak A Si, Kan Tello Ding” A Ti

Myanmar ramsung ih um mahten ukawknak ngahtu ‘Wa’ palai in, “Tuiṭum Myanmar ramsung buainak ah zovek khalin uktu cozah ṭuan khalsehla zawi lam khalah kan um lo ding. Kawl miphun pawl ih buainak a si, buainak a sosang lonak dingah kan tello ding” a ti.

May 30, 2022 ah Min Aung Hlaing le United Wa State Army (UWSA) Vice-Chairman U Lo Ya Ku cu Nay Pyi Daw ah an tongaw ih ramsung buainak ah an tello ding thu a sim thei. Wa palai in tuiṭum ramsung buainak cu ralthuam thawn cinfel a theih lo.

Ramdang pawlin Myanmar ramsung buainak cu cinfel an tum rero nan a netnak ahcun ramsung ṭuanvo neitu pawl lawngin an cinfel a ṭul a ti. Ramsung buainak cu tongaw khawm in cingfel lohli dingin Min Aung Hlaing hnenah a sim thei.

Wa palai in mahten ukawk theinak State pakhat dinsuak dingin a dil. Rampi ihsin suak an tum lo ruangah a si lo ih kilhim awknak le rorelnak siar lo ahcun mahten ukawk an tum thu pawl a sim thei.

Be the first to comment

Leave a Reply

Your email address will not be published.


*