Wai Lu Kyaw Nupi A Neih Ni Ah Amah Thawn Thubuai Nei Model Cu Ralhrang Pawlin An Kai

Wai Lu Kyaw cu Myanmar lemcan thiam hminthang a si ih miharsa pawl a bawm ṭheu. February 22, 2022 sun ah hlunghlai zetin nupi anei. Kutsihnak an tuah hnu nazi 1 ah amah thawn thubuai nei model hminthang Thin Thin cu ralhrang pawlin an inn ah an va lutchilh ih an kai.

An kaih hlanah Thin Thin in Facebook tualrawn ah Live a thlah ih a thilton cu mipi pawl a theihter. Ralhrang pawlin mikhual cazin kan check ding an tiih meithal khal an keng thepthep.

Thin Thin in sangka a on hnuah ralhrang pawlin a phone cu an lonsak ih an kai, an kaihnak a san cu online parah Min Aung Hlaing a soisel, Min Aung Hlaing ih zuk cu mawi lo zetin online parah a tarlang an ti.

Ahlan ah Wai Lu Kyaw thawn thubuai an nei ih an thubuai khal ramsung a buai ruangah cinfel sak a si hrih lo, an thubuai cu Wai Lu Kyaw in Thin Thin hi a pawngsual ti a si.

2019 kum ah Thin Thin in, “Hotel sungah in hruai ih thil kan ei hnuah ka duhnak tel loin in sualpi” tin taza a cuai. Wai Lu Kyaw le Thin Thin hi a hlanah ngaihzawng aw an si ih an ṭhenawk hnuah thubuai an nei.

Be the first to comment

Leave a Reply

Your email address will not be published.


*