Wesley Sibawi Le Nurse 8 Hnenah Covid-19 Hmuhsuah A Si, Kalaymyo “Inn Ih Khumaw Thluh Ding” An Phuang

Kalaymyo, Tahan siizungpi Wesley ih hnaṭuantu sibawi le nurse 8 hnenah tulai nathrik Covid-19 hmuhsuah a si.

Curuangah Wesley siizung cu June 2 zanlam nazi 5:00 ihsin khar a si ih ziangtik tiang an khar ding ti cu theih a si hrih lo. Hmundang, khua dang ih damlo pawl khal Wesley siizung ra pan hrih lo dingin theihternak an tuah.

An ong thei tikah simthannak an neisal ding. Kalaymyo ramsung ah Covid-19 nat nei pakhat an hmusal, kum 72 mi a si.

Kalaymyo ramsung ah Covid-19 nat nei an pung deuhdeuh ruangah June 3 zinglam nazi 4:00 ihsin Kalaymyo ramsung cu stay-at-home thu an phuang. Kan dung zarh ihsin Kalaymyo vanzam khal zamsuak hrih lo dingin an rak khar zo.

Be the first to comment

Leave a Reply

Your email address will not be published.


*