Yangon Ah Mithi An Tam Deuhdeuh, Nikhat Ah 800 An Thi

Yangon ramsung ah Covid-19 ih thi an tam deuhdeuh ih nikhat 800 hrawng an thi, mithi ruak urkannak khalah a hlompin an urkang.

Tlawmngai pawlkom pakhat in “Mithi an tamtuk ruangah mithi ruak thiar ding khal kan daihaw nawn lo, mithi ruak urkangtu pawl khal sun le zan rori in an urkang nan an neh cuang lo. Ni 2 liamzo ahcun nikhat ah 600 hrawng mithi an um.

Tu’ahcun nikhat ah mithi 800 hrawng an um thlang, vengkhat ah 2/3 tla mithi an um ih veikhat thiar in kan thiar lawlaw” a ti. Mithi pawl cu oxygen haidaih awklonak ruangah a si tlangpi, mithi tuamnak ding bag khal aum nawn lo, lei ding khal aum nawn lo ruangah mithi ruak cu a rem dandan in an tuam.

Oxygen Assistance Team from South Dagon in “Catbang loin phone call kan dawng, oxygen kan ṭul tuk, a thawsam zo, Flow Meter khui ah kan lei thei ding ti pawl phone call kan dawng ringring. Mani sun tla cu oxgyen ṭul poimawh tuk hlir phone call kan dawng tamtuk ruangah phone dang kan lei bet. Kan theitawk in kan bawm ko nan kan neh lo a si” a ti.

Be the first to comment

Leave a Reply

Your email address will not be published.


*