Yangon Feh Fala Kum 23 Mi A Hlo

Fala kum 23 mi cu Yangon ah hnaṭuan in aum, an khua ah ava tlung lawk ih Yangon a fehsal cu a hlo. Amah theitu pakhat in a zuk cu a tarlang ih, “A hmin cu Tan Tan a si ih kum 23 mi a si, kan inn ah hnaṭuan in aum.

September 5 ah mithi an neih ruangah khua ah a tlung lawk, September 12 zanlam nazi 4:30 ah Monywa ihsin ara poksuak. A tomi motor hmin cu Mu Kawngkin a si, lamzin khalah kan pehtlaihaw thei rero lai.

September 13 zinglam nazi 9:00 ah Yangon a thleng zik ih inn ih motor thawn in ra hmuak uh tin driver a phone. Nazi 10 ah kan phone sal ih a phone cu a lut nan a kai lo, sun nazi 1:00 tiang cu kan phone rero nan a kai lo.

Cumi hnu ihsin kan phone tlang thei nawn lo, Yangon khuasung umdan hi a nel tuk hrih lo. Hmatpungtin a keng lo ruangah tulai boruak lakah kan seherh tuk, hmun pakhat khat ah buainak a tong si kem maw tin kan thinhar zet. Nan rak hmu asilen himi phone number 09440695816 ah in pehtlaih uh” tin a tarlang.

Be the first to comment

Leave a Reply

Your email address will not be published.


*