Yangon Kaba Yadanar Bank An Suam, Sumpai Tam Zet An La

August 30 zinglam nazi 11:00 hrawngah zo ti theih lo minung 4 in Yangon, Mayangone Township ih um Kaba Yadanar Bank (Global Treasure Bank) cu ralthuam thawn an luhhnawh ih sumpai pawl an laksak.

Minung 4 in bank hnaṭuantu pawl cu an hringhro hnuah sumpai an la ih an tlansuak. Hi thilthleng ruangah hliamtuar an um lo, sumpai ziangzat an lasuak ti cu ralkap pawlin an pholang lo.

A hmun ah ralkap le palik pawl an va thleng zo ih zingzoinak an nei rero lai. Vengsung um pakhat in “Bank an suam laitak cu ka thei lo, ralkap le palk pawl an ra thleng hnu lawngah ka theifang. A tir ahcun ziang an cang ti khal ka thei lo” a ti.

August 15 sun khalah Okkalapa Township ih um Kaba Yadanar Bank cu zo ti theih lo pawlin an suam ih sumpai tam zet an tlanpi, tutiang suamhmang pawl cu an kai ngah hrih lo ih mipi in anmah ralkap thotho an si ding ti an zum.

Be the first to comment

Leave a Reply

Your email address will not be published.


*