Yangon, Thaketa Ah Bomb A Puak Ih Dalan Veng Lal A Thi, RPDF In Dalan Kiangnai Ah Um Lo Dingin Ralrinnak An Suah

Myanmar ramsung ah nitinten bomb puak thuhla theih ding aum ringring ruangah vahsuah tikah fimkhur a ṭul zet. May 27 zinglam ah Yangon, Thaketa vengsung ah vei 6 rori bomb a puak ih mithi le hliamtuar an um hnuaihni.

Zo in bomb an kam ih bomb an puah ti cu an thei hrih lo, ralkap hnenah mipi thuthup sim ṭheutu veng lal U Phone Ngwe a thi.

Vengsung mi pakhat in “Zinglam nazi 8:00 hrawngag Pyay Road ih um veng lal, dalan ṭuan U Phone Ngwe cu meithal in an kap hnuah bomb a puak. A thi ti kan thei, uico pawlin lamzin an phit thluh zo, vengsung khal an phit ih uico ralkap pawl an umkhat thluh. Vengsung ah uico ralkap pawl an umkhat thluh ruangah thilthleng cipciar ih theih a har zet” a ti.

Thaketa vengsung cu lut/suah an siang lo ih ralkap pawl an umkhat thluh, thilthleng dan pawl thei dingin thusutnak le zingzoinak an nei rero lai. Myanmar mipi cozah NUG Dr. Zaw Wai Soe in ‘A ṭul lo ih lengsuak lo dingin le ei-in khawl aw cia cio dingin a puan hnu ah, Yangon ih RPDF pawlin a tul lo ih lengsuak lo dingin an puang bet.

Ahleice in Dalan kiangnai ah um lo dingin ralrinnak pek cio a si ih. Mizan ah Hlaing Tha Yar ih Dalan inn bomb a puak ih, tuizingah ThaKeTa ih Dalan inn pa 2 a puak bet ti a si.

Be the first to comment

Leave a Reply

Your email address will not be published.


*