Yangon Zarhhnih Sungah Covid-19 Damlo 600 Lenglo An Um, Myanmar Covid-19 Bese Pahnihnak State An Si

May 27 ihsin Covid-19 nathrik suak thar in Myanmar ramsung a nuai ciamco ih mithi le damlo an tam zet zo. State dangdang cu lockdown thu an phuang zo, sibawi le nurse pawl CDM ih an lut ruangah an buai zet.

Siizung į¹­henkhat khal an khar ruangah khuatlang, pawlkom in Covid-19 damlo pawl tuamhlawm dan ding an tawlrel. Zarhhnih sungah Myanmar khawpi Yangon ramsung ah Covid-19 damlo 600 lenglo an um tin Ministry of Health and Sports (MOHS), Dr. Khin Khin Gyi in a rel.

Damlo tam sawn cu Mahawthahta Private High School ih tlawngkai pawl an si, tlawnginn sungah an kharhkhum aw thluh ih an tuamhlawm. June 10 ah an tlawng sayama pakhat cu Covid-19 in a thi.

Myanmar ramsung Covid-19 in a nuai nasa bik state pawl cu a pakhatnak ah Sagaing State a si ih damlo 800 lenglo an um, a pahnihnak ah Yangon a si ih damlo 600 lenglo an um. A pathumnak ah Chin State a si i damlo 500 lenglo an um.

Be the first to comment

Leave a Reply

Your email address will not be published.


*