Magway, Saw khawpi ih um U Khin Maung Lin cu Pyusawhti sungtel a si ih dalan a ṭuan. Ralhrang pawl lamzin a khihhmuh ṭheu ih mino pawl an kai, tualsung mipi pawl parah hro a suang ih an thilri bungrua a laksak ṭheu, ritheihthil a zuar. Lawngkasanak a tuah, khua urkangnak khalah a tel. Ralhrang pawl thilri bungrua a pe ṭheu tin YDF (Saw) in an tarlang.
August 21, 2022 zan nazi 8:00 hrawngah YDF (Saw) in dalan thianfainak tin an inn cu meithal in an kap ciamco ih innnsung ih um mi (6) an thi, hliamtuar (2) an um. Nauhak kum 13 mi Ma Thet Aye Nyein le pehtlaihnak nei lo an inn ih bawlung sit zoh U Aung Thein Win khal an kap that.
An kah that mi (6) cu U Khin Maung Lin (kum 61), Daw Yin Ngi (kum 56), U Zaw Htay (kum 58), Daw Khin Ma Thet (kum 37), Ma Thet Aye Nyein (kum 13) le an inn ih bawlung sit zoh vengsung mi U Aung Thein Win (kum 52) pawl an si.
Hliamtuar pahnih cu U Khin Maung Kyi le mino kum 17 mi Maung Myat Bong Naing an si. An kap hnuah an sui le ngun, motor pahnih, phone le thilri bungrua pawl an laksak ih an tlan. YDF (Saw) cu NUG kuthnuai ih um lo hriamkai pawlkom pakhat an si.
YDF (Saw) ih cangvaihnak cu tualsung mipi ralkap pawlkom in an mawhthluh ih an cohlang lo, zingzoinak felfai tuah hmaisa loin an va kap. Sualnak nei lo nauhak le pehtlaihnak nei lo midang an thih phah ih thilri bungrua an laksak ruangah an cangvaihnak cu an mawhthluh ih nan relfel awk a ṭul’ tin an tarlang.
YDF (Saw) in, ‘Pyusawhti pawl meeting an nei tin thuthang kan ngah ih kan va zingzoinak ah in rak kap ruangah kaphnih kahawknak a thleng. Kum 13 mi Ma Thet Aye Nyein in meithal in cuh ruangah cerek in a ngah pang. An motor, an thilri bungrua pawl kan laksaknak a san cu tetti hrangah a si’ tin an tarlang.
Leave a Reply