Ye-U Tiva Ah Ruak An Sar Lala, Ruak 100 Lenglo An Sar Zo

Sagaing, Shwebo District, Ye-U tiva ah mithi ruak an sar rero thu tualsung mibawmtu pawlkom in media hnenah an sim thei. Ṭhenkhat ruang cu an innsang pawlin an va la ih an phum, ṭhenkhat cu latu an nei lo ruangah mibawmtu pawlkom in an phum.

Mithi ruak tam sawn cu mi kuttuar ih thi ti an taksa hliamhma ihsin a theihtheih. Tualsung mibawmtu pawlkom in, “Mithi ruak hi a burpi in asilo, nikhat ah ruak pakhat / pahnih tla a si. Ruak 3 kan hmuh caan khal aum, an zuk khal kan tarlang paih nawn lo.

Tidai a tam ruangah harsa zetin kan thiarsuak ṭheu, ralhrang in thuneihnak an lak hnu thla 7 sungah mithi ruak 100 lenglo kan sar zo tin ka ngakhum” a ti. April thla sung lawngah mithi ruak an sar tam zet.

April thla sung lawngah mithi ruak 12 an sar zo. Mithi ruak ṭhenkhat cu kiangkap khuami an si, dalan le theihlo mi pawl an si. Ye-U tiva kiangkap ah ralhrang le tualsung mipi ralkap pawl an kapaw ringring.

Be the first to comment

Leave a Reply

Your email address will not be published.


*