Yin Paung Taing Khua Ih Bazar Kai Fala (2) Ralhrang Pawlin An Sualpi Hnuah An That

Sagaing, Yin Mar Bin peng, Yin Paung Taing khua cu August 11, 2022 sun nazi 3:00 hrawngah ralhrang pawlin an kap ciamco. Bazar kai an tam laitak ah an kap, bazar kailai fala pahnih kum 16 mi le kum 20 mi cu ralhrang pawlin an kai ih tipikap ah an sualpi hnuah an that.

Mithi pahnih ih hmin le zo an si ti cu an theifiang zo nan humhimnak ah an pholang hrih lo. Khuasung ah mithi ruak 18 an hmu ih tualsung mipi ralkap pawlin an urkang.

į¹¬uanvo neitu in, “Khua dang ihsin bazar ra kai an si. August 11 sun ah ralhrang pawlin an kap ciamco ih Rangpao Tai lamah an tlan ih ralhrang pawl thawn an tong aw. Tipikap ah an sualpi ih an that, hnipuan zianghman an hruh lo. Upatu cu kor lawng a hruh, ruak pakhat le pakhat hi pi 30 in a hlan aw.

An ruak umnak kiangkap ah ralhrang pawl ih kedam khal aum, an talbuainak sulhnu khal a hmuh theih” a ti. Khuasung mipi pawl cu sahimnak hawl in hmun dangdang ah an tlan, tutiang khuasung ah an lut ngam hrih lo.

Be the first to comment

Leave a Reply

Your email address will not be published.


*