Zahmawh Pahnih Anei Ti A Theiaw Cu Amah Le Mah A Ṭih’aw Lawk

Australia fala kum 24 mi Tee Bartlett in “Zahmawh pahnih ka nei ti ka theihawk pekte ahcun ka ṭihaw tuk lawk, ka aa zik” a ti. A leirawl lai, thlatin thi aneih ihsin kua pahnih aum ti cu a thei nan nunau zaten dan ah arak ruat men. Thikhamnak tampons khal a kua pahnih ah arak thun ṭheu.

Kumkhat hnu kum 16 a kim tikah a nu hnenah a sut ih “Khuitawk kua sawntu ahso tampon hi ka thun ding” a ti cu a nu in a theithiam lo ih mak a ti tuk. Curuangah a sut tam duh nawn lo, nikhat cu an inn ah a rualnu ava leng ih a nu thawn an pathum in thunuam an reltlang.

Cutawk ah a rualnu hnenah a sutsal ih a nu in mak ti tukin a zoh ih “Ziang na cang?” a ti. Curuangah siizung ah an va feh ih sibawi pawl khalin mak an ti zet, sibawi thiamsang hnenah an rak fehter ih an zohdik hnuah zahmawh pahnih anei thu an sim.

Tee Bartlett in amah le mah a ṭihaw tuk lawk nan sibawi in “Thil pangai sokhaw a si, taksa sunglam fehdan diklo aum ruangah thil a cangmi a si. Hivek cu Longitudinal Vaginal Septum tin kan ko” tin arak simfiang.

Sibawi in “Zahmawh pahnih an si ruangah a pangai aiin an te sawn ih hmailam caan ah nupa-nun na hmang tikah harsatnak na nei ding. Curuangah pakhat sawn cu at sehla a ṭha” a ti. Tee Bartlett khalin at a duh sawn thu a rel.

A tlangval hnenah a sim thei ih a tlangval in poi a ti lo thu leh caan a herliam vivo dingih kan senrem thiam leh ko ding arak ti. Sibawi in nupa-nun nan hmang tikah leh nau na hring tikah harsatnak na tong ding an ti ruangah tluangten an atsak. Online mipi in “Na thilton mi pawl in theihter ruangah kan lungawi tuk, nunau dang hrangah ralrinnak le theihkauhnak a si an ti. (#Daily Mail)

Be the first to comment

Leave a Reply

Your email address will not be published.


*