Zamual A Liamnak 100 Kim Ni Ah A Tlangval In A Thlan Ava Hal Ih A Lungkuai

Kum 19 mi Angel Kyal Sin cu March 3, 2021 ah thuneihnak latu ralkap pawlin an kap that. Amah hi Burmese-Chinese miphun a si ih a China hmin cu Deng Jiaxi a si ih Angel tinak a si.

Mandalay ah an um ih kum note Aye Aye Myint《Beauty Saloon》neitu a si. Ralkap uknak cu dodal in lamzawhnak ah a tel ih a phunphun in a cangvai.

Lamzawhnak ih hliam a tuar & thi pang asikhalle a thisen le a taksa cu midang hrangih a hlu ding thu arak tarlang cia. Taekwondo champion le zirhtu pakhat a si ih DA-Star Dance Club ah hna a ṭuan ṭheu.

Nasa zet ih ralkap cozah a dodal laiah ralkap pawlin an kap that, Myanmar ram hrangih thi hmaisa le a vanglai tak ih a thih ruangah a thih thu cu leitlun ramtinkim ah a thang thluh.

Tuini tiang leitlun mipi pawlih thinlung sungah a cam ringring lai, a thih hnu khalah ralkap pawlin a thlan an va laisal ih leidai ih zal zo a ruang cu autopsy an tuah. Zamual a liamnak 100 kim ni ah a tlangval in a thlan ava hal ih “Leitlun na suahsannak thla 3 a kim zo, ra kirsal aw…” tin lungkuai in a ṭap.

Be the first to comment

Leave a Reply

Your email address will not be published.


*