Zan It Tikah Meisa Eng Hnuai Ih Ihthat A Ṭha Lo, Heart Attack Neih A Awl

Zan hi ihnak dingih sersiam arak si. Northwestern University Feinberg School of Medicine pawlin zingzoinak an tuah ih ‘Meisa eng hnuaiih ihthat a ṭha lo ti an hmusuak, malte meisa eng (dimly-lit) hnuai ih itthat khal a ṭha cuang lo.

An zingzoinak ah minung taksa le thisen in khuaeng le khuathiam hi an rak theithiam ve, meisa eng hnuai ih itthat tikah cun thisen hi a cawl hahdam thei lo. Taksa cangvaihdan khal a ṭha lo ruangah Heart Attack le Diabetes nat nei a awlte ti an hmusuak.

Malte meisa eng (dimly-lit) hnuai ih iṭthat khal a ṭha cuang lo nan meisa eng tak hnuai ih itthat pawl aicun a ziaum deuh.

Zingzoitu Dr Phyllis Zee in, “Minung harhdamnak ahhin sun ah eng hi kan ṭul tuk, nieng mawi khal damcahnak a si. Sun ah nieng mawi hmuh ding a si, asinan zan ih kan itthat tikah cun thim lakah kan itthat ding” tin forhfialnak a nei.

Be the first to comment

Leave a Reply

Your email address will not be published.


*