Zan Nazi 1 Hrawngah Nunau Kum 50 Mi Cu Ralhrang Pawlin An Vuak Hnuah An Kai

Magway Division, Mauk Township, Takundaing khua ih um nupinu kum 50 mi cu ralhrang pawlin kut an thlak ciamco hnuah an kai, an kaih hnuah an innsung thilri bungrua pawl khal an hailet thluh ih an siatsuah.

November 29, 2021 zingpit nazi 1:00 hrawngah ralhrang pawlin an inn ah an va lutchilh, a hmin cu Daw Mya Mya Win a si. Tualsung mi pakhat in, “Kan khua ih um dalan pakhat in thildik loin a hek ruangah sualnak nei lo innsang nubik cu ralhrang pawlin an vel ciamco.

A pasal le a fapa cu hmun dang ah an tlan ih an relh, an tlannak hi a rei zo ih Daw Mya Mya Win lawng inn ah aum. Nunau pakhat lawng umnak inn ah zan nazi 1:00 hrawngah an va lut cu thildik lo a si” a ti.

Daw Mya Mya Win cu ralhrang pawlin khuitawk hmun ah an hruai ti khal an thei hrih lo. Mibawmtu Ko Min in Daw Mya Mya Win ih thuhla cu leitlun huap pawlkom ICRC le AAPP hnenah kan sim thei ding a ti.

Be the first to comment

Leave a Reply

Your email address will not be published.


*