Zangfah Um Zet Fala Kum 18 Mi Cu Pitar Vek Ah A Cang Ih A Thi

UK, West Sussex khua ih um fala kum 18 mi Ashanti Smith in damlonak danglam zet a nei. Hutchinson-Gilford Progeria Syndrome timi damlonak aneih ruangah a pianhmang cu pitar kum 100 mi hrawngah a cang.

HGPS damlonak cu leitlun mithiam, sibawi pawl khalin an tuamhlawm dam thei lo mi natnak a si. Ashanti Smith in a natnak ruangah a dam rei lo ding ti a theicia nan thinhar beidong men loin aipuang zetin a hringnun caan tawite cu a hmangliam.

Miṭha le mifel zet a si ih mipi khalin an duhdawt in an lainat zet. Cutin, a damlonak a sual rero hnu July 17, 2021 ah hi leitlun buainak pawl suahsan in catuan ram ah a feh liam.

Hringtu a nu Louis Smith in “Ka fanu hi mitlaitluang zet a si ih zokhalin an duhdawt thluh” a ti. Louis Smith in a fanu ih damlonak vek nei pawl cu bawm dingin pum a peaw.

HGPS damlonak nei pawl cu an pianhmang a danglam lawng siloin thinlam ṭhalonak khal an nei ih an taksa sungah natnak phunphun an sersuak aw vivo. Mual liamtu Ashanti Smith in Korea BTS band pawl a uar zet ruangah a thlankuang par khalah BTS pawl zuk an tar tum ih a vuinak caanserh cu hlunghlai zetin an tuah ding.

Be the first to comment

Leave a Reply

Your email address will not be published.


*