Zanmang Ah Ralkap Ih An Kah That Mi A Phirpi A Hmu

Tlangval Aung Htet Naing cu February 28 ah ralkap dodal in lamzawhnak ah a tel, cutin lamzawhnak ih a tel laiah ralkap pawlin an kap that, phir unau an si ih a upa cu an kap ngah lo.

June 28 ah a thihcam thla 4 kimnak an tuah ih a innsang pawlin a hlu an pe, Aung Htet Naing cu ralkap cozah dodal ih thi hmaisa lam a si ih a thih thu cu leitlun mipi in an thei thluh.

A phirpi a upa in “Zanmang cu a ngaingai a si lo ti ka thei ko nan ka riahsia tuk thotho. Ka mangah ka naupa ara ih “Ziangruangah na kiangah ka ra thei lo? Ziangruangah ka hrangah a hlu an tuah ṭheu?” tin in ra sut.

Ka simduhmi thu pawl cu ka sim thluh thei, ka ngai tuk ruangah ka mang ah ka hmu men a si ding…” tin a naupa a ngainak thuhla pawl cu a facebook cahmai ah a tarlang.

Be the first to comment

Leave a Reply

Your email address will not be published.


*