Zanmang Ruangah Tlawng Sayama An That

Pakistan ih tlawng sayama cu zanmang ruangah nunau tlawngta pahnih in March 29, 2022 ah an that. A hnaṭuanpi pakhat in a mang ah tlawng sayama Safoora in an pathian Prophet Mohammed cu a relsia a ti.

Curuangah a naunu pahnih cu an tlawng sayama thah dingin a forhfial, an tlawnginn gate hmaiah an sayama cu an rak hngak ih a hngawng ah nam in an at, a hmun ah tlawng sayama cu a thi cih.

Tualthattu pahnih le zanmang neitu cu palik pawlin an hruai ih thu an sut rero lai, palik pawlin zanmang neitu le tlawng sayama karlakah thildang buainak aum le um lo an zingzoi rero lai.

Pakistan ram ahhin an biaknak sakhua relsia, dodaltu cu an that hluahhlo ṭheu. Nikum khalah factory manager in an biaknak sakhua a relsia an tiih mipi in an cil that. February thla khalah mipa pakhat in an cabu thianghlim a urkang an ti ruangah lungto in an deng that.

Be the first to comment

Leave a Reply

Your email address will not be published.


*