Zanriah Hmeh Ding Ava Lei Laiah Thlam Sungih Um A Fanu Kumkim Lo Cu An Rak That

Bago, Taungoo peng, Chaungkan khua ih um nunau nauhak kum 13 mi cu amah lawng ih aum laiah an that. August 12, 2022 sun ah U Zaw Win Kyi le a fanu upabik cu lo hnaŠĻ≠uan dingin an va feh, U Zaw Win Kyi in zanriah hmeh ding ava lei tum.

Sumpai an neih lo ruangah Shwe Lin Aye khua ih um a nu hnenah sumpai cawi dingin a feh hmaisa. A fanu kum 13 mi cu zanlam ah a naule pawl tlawng hmuak ding a si ruangah amah lawngin thlam sungah arak um.

A fale pahnih cu hmuaktu an nei lo ih anmahten an tlung, thlam sungah an va feh ih an unu cu thicia in an hmu. Taklawng in arak um ih a taksa hnuailam cu hni in an khuh. Khuatlang upa hnenah an theihter ih a hngawng ah hliamhma an hmu.

An umnak kiangkap ah minung an um lo, himi kiangkap ah inn 5 lawng aum ih an hla aw zet. An thlam kiangih um minung 4 cu rinhlel thu in an kai ih thu an sut rero lai. Palik bawi in, “Kumkim hrih lo nauhak te an that. Nauhak te hi an pawngsual hnuah an that maw, thinhengnak ruangah an that ti cu kan theifiang hrih lo ih kan zingzoi rero lai” a ti.

Be the first to comment

Leave a Reply

Your email address will not be published.


*