Zarhkhat Ah Veikhat Lawng Tak A Kholh Ṭheu Ih A Pasal In Poi A Ti Lo, A San (4) A Rel

Innsang nubik Reind in, “Zarhkhat ah veikhat lawng tak ka kholh ṭheu ih ka pasal in poi a ti lo” a ti. A falat ihsin nitinten tak a kholh dah lo. A pasal khalin a duhdawt tuk.

Online mipi pawlin mak an ti tuk ih ‘nikhat ah veihnih tak ka kholh ṭheu. Thi na neih caan ah ziangtin na um’ tin an sut. Ziangruangah zarhkhat ah veikhat lawng tak a kholh thu an sut ih Reind in “Ka duh lo si ko” a ti.

Zarhkhat ah veikhat lawng tak a kholhnak a san cu thil (4) in a rel. (1)-nak “Takkholh ringring cu caan a cem men’, (2) Samciar ka duh lo, sam ti ronak hair-dryer awn hi ka ngaih lo, (3) Ka vun hrangah tak ka kholh lo, takkholh lo hi vun in a ngaih sawn, (4) Tidai le takkholhnak thilri bungrua a cem lo” a ti.

Siibawi Dr Sarah Welsh in, “Siivai lam ihsin kan zoh asilen nitinten takkholh hi a ṭullo. Zarhkhat ah veithum takkholh cun a tawk, kut le ke kan tifai ṭheu cun takkholh ringring hi a ṭullo” a ti.

Be the first to comment

Leave a Reply

Your email address will not be published.


*