Zaw Min Tun In, “Nan Fale Pawl PDF Ih An Lut Ruangah Nan Hlonnak Hi Kan Cohlang Lo” A Ti

Myanmar ramsung buainak ah mino tam zet cu ramlak ah an tlan ih meithal kengin ralhrang pawl an do rero lai.

Culaiah an nulepa in an fanu fapa cu nulepa thulung loin nitinten thinharnak an tuah ruangah an fale sinak ihsin an hlon, an parah ziangthil khal thleng sehla ṭuanvo an la nawn lo ding thu pawl an tarlang celcel.

November 26, 2021 ah ralhrang pawl aiawh ih thuphuangtu Zaw Min Tun in, “Nulepa pawl, nan fale PDF ih an lut ruangah nan fale sinak ihsin nan hlonnak hi kan cohlang lo. Cozah in a pom lo.

Nulepa pawl, nan fanu fapa hi nan fa sinak ihsin hlon nan duh asilen thuṭhennak zung ah ziangkim relfel thluh in tuah ding nan si” a ti. Nulepa pawlin online par le thuthang cazual parah an fale pawl an hlonnak thu an tarlang nan sunglam ahcun a thupten an pehtlaihaw ringing ti ralhrang pawlin an theih thu an phuang ih ralhrang lakih humhim awknak le ralhrang pawl bum tumnak a si an ti.

Be the first to comment

Leave a Reply

Your email address will not be published.


*