Zaw Min Tun In “Thinphang Tuk Hlah Uh, Tu Lawngah D-Day An Phuang Men. February 1 Ihsin An D-Day Zo. A Phuangtu Pawl Cu A Takram Ah Zohman An Um Lo” A Ti

September 7, 2021 ah National Unity Government President Duwa Lashi in rampum huap doawknak nei thok dingin a phuang. Himi thuhla ah ralkap lam thuphuangtu Zaw Min Tun in “Tulawng ah D Day an thok asilo, February 1 ihsin an rak thok zo.

UN meeting caan a nai zo ruangah hitin an phuang men a si ding, rampum huap cun kan humhim thei hrih lo. Asinan mipi humhimnak lam ahcun kan thangso zet, annih lam cun bomb kam, bomb tipuah pawl an tuah thei.

Himi pawl khal neta ah kan zingzoi suak thei ih kan kai vivo thei. Humhim awknak khal kan ralring cia thluh zo, curuangah mipi pawl rak lungphang tuk hlah uh. Asinan ralrinten um cu a ṭul, manisun khalah Yangon bomb puak ah sualnak nei lo mi pakhat a thi zo.

An duhduhnak hmun ah bomb an rak kam ṭheu, hivek thil pawl an ra tuah thei ruangah ralring a ṭul. NUG in D Day an phuang cu mipi pawl phur dingin a si, an cokphurnak a si. Himi phuangtu pawl khal a takram ah zohman an um lo, hmundang ihsin ramsung buaiter le mipi pawl thlaphang dingin an run tuah.

Ka rel zo vekin UN meetiing a nai ruangah a si bik ding ti ka zum” tin media hnenah a sim thei. September 14, 2021 ah leitlun huap UN meeting an nei tum ih, cutawk ah UN in Myanmar cozah hrangah ralkap cozah maw NUG cozah tin hrilnak anei tum.

Be the first to comment

Leave a Reply

Your email address will not be published.


*