Zaw Min Tun, “Myanmar Ramsung Ah Facebook Kan Phit Ding, Facebook Aiawh Ih Hmang Ding Dang Kan Tuah Ding” A Ti

Myanmar ralhrang pawl aiawh ih thuphuangtu Zaw Min Tun in, “Myanmar ramsung ah Facebook kan phit ding, hmang a ngah nawn lo ding. A aiawh ih hmang ding dang kan sersuak ding, social media platform pakhat kan tuah rero lai ih sumpai laklutnak cawngia khal kan phit thluh ding.

Facebook tualrawn parah rampi dinhmun siat dingin an cangvai rero. Facebook in ralkap pawl hrang dinhmun a pe lo. Russia ram ih training kaitu pawl laksawng an pek lai video khal Facebook in a hlon cingcing” a ti.

Ralhrang kuthnuai ih thilthiam pawlin Facebook aiawh ih hmang ding social media platform pakhat an tuah rero lai thu a phuang nan ziangvek a si ti cu a rel tello. Ralhrang in Myanmar ramsung thuneihnak an lak hnuah Facebook, Google le social media dangdang in ralhrang pawl cu hremnak an pe.

An account pawl cu an hlonsak thluh, ralhrang media MRTV, Myatwaddy khal an hlonsak zo. Curuangah ralhrang pawlin Myanmar ramsung ah Facebook an phit tum ve ih anmaiten social media platform pakhat an tuah tum.

Be the first to comment

Leave a Reply

Your email address will not be published.


*