Zawhte In A Pu Nunnak A Run, An Inn Ah Suamhmang An Lut Zik Ih >>>

US, Mississippi ih um pacang kum 68 mi Everitt cu a zawhte in a nunnak a humhim. A zawhte cu 20-pound ih rit a si ih Bandit tin a ko. July 25, 2022 zan laifang nazi 2:30AM ah a zawhte cu coka sungah ringpin a meows ih Everitt cu a thangharh.

Cumi hnuah a zawhte cu ihkhun parah ava kaiso ih a pu cu a hriat, kheuh ciamco. Everitt in, “Ahlan ah hitin aum dah lo, thildiklo aum si ding tin coka lam ka va zoh” a ti. Coka meisa a hmet eng ih innleng lam avun zoh cu suamhmang pahnih a hmu.

Suamhmang pakhat in meithal a keng ih pakhat in an inn dunglam sangka a siatsuah tum rero lai cu a hmu. Suamhmang pahnih in coka meisa eng an hmuh veten an thangharh zo ti an thei ih an tlanliam hngal. Everitt in, “Ka zawhte ruangah buainak ka tong lo. Inn kiltu uico an ti áš­heu ih kei cu inn kiltu zawhte a si” a ti.

2018 kum ah Everitt in rannung cawmtu neilo pawl kilkhawinak runinn ah sumpai ava hlu ih zawhte pakhat khat cawm ding nan nei maw? tin a sut. Rannung kilkhawitu pawlin Bandit zawhte cu an rak khihhmuh ih a cawm, a nunnak runtu ah a cang. Everitt in, “Ranung pakhat khat ih nunnak nan run asilen nan nunnak an lo run ve ding” a ti.

Be the first to comment

Leave a Reply

Your email address will not be published.


*