Zawng In An Naute A Laksak Ih Inn Par Ihsin A Hlon

India, Uttar Pradesh, Dunka khua ah zawng in naute thlakhat mi a that. July 15, 2022 simnem ah Nirdesh tei innsang cu an inn parah an um. A nupi le an fapa thlakhat mi thawn boruak thiang an hawp.

Cutin an um laiah zawng rual in an va siim, zawng rual in an kulh thluh ih an tibuai. Innhnuai lamah an tlan ih Nirdesh in a fapa cu a cawi, a bahsual ih a fapa cu a thlau.

A lak man hlanah zawng in a fapa thlakhat mi cu a laksak lohli ih inn par ihsin a thlak. Nirdesh tei nupa cu innhnuai lamah an va tum lohli ih an fapa an zoh cu arak thi zo. Palik pawlin naute thihnak ih tel zawng pawl cu an zingzoi rero lai.

Uttar Pradesh ramsung ah zawng an tam zet. Khuasung mipi pawl thawn hnangam zetin an tlangleng, cumi lakah zawng sual khal an um ih minung an tuahmawh ṭheu.

Be the first to comment

Leave a Reply

Your email address will not be published.


*