ZFU/PDF Zoland le CDM Siyin In CNDF Hnenah Lungawithu An Sim

Tedim, Hiangzing khua ih umhmun khuar ralhrang pawlin tualsung mipi kilhimtu pawlin an va kap ciamco ih mithi le hliamtuar an tam zet.

January 12 ihsin 22 tiang ni 10 sung an kapaw, cutawk ih an doawknak ah CNO/CNDF in an va bawm ruangah tualsung mipi kilhimtu ZFU/PDF Zoland le CDM Siyin in lungawithu an sim thei ih upatnak capi an hlan.

“Nan taksa, thisen le thlanti for in in ra bawm ruangah kan lungawi tuk. Kan tesin fa tiang kan theihhngilh nawn lo ding” an ti.

CNO/CNDF khalin an lunghmui thu, lungawithu an sim thei ve ih ralhrang uknak a cem hlanah kiangkap tualsung mipi kilhimtu pawl thawn ralhrang pawl kan dotlang vivo ding tin an tarlang.

Be the first to comment

Leave a Reply

Your email address will not be published.


*