“Ziangah Na Nupi Neihnak Ah In Sawm Ve Lo” Tin A Rualpa A Vel

Na rualpi nupi/pasal neihnak ah lo sawm lo sehla ziangtin na um ding? Na thinheng ve kem maw? Madhya Pradesh ramsung ih um tlangval pakhat in nupi anei, nupi a neih hnuah a rualpa thawn an tongaw ih a rualpa in a vel ciamco.

Zarhpi zan (Sunday 22) ah Narendra Kushwaha in a rualpa nupi nei pekte hnenah “Mopuai ih in sawm lo ruangah zu man ah paisa 500 in peaw” tin a dil.

A rualpa kum 22 mi in sumpai 100 lawng a pek ruangah an buai. Cutawk hmun ihsin a tlansuak thei ih palik sakhan ah thubuai a thehlut, a mit le a taksa dangah hliam a tuar thu palik hnenah a sim thei.

A rualpa a sawm lonak cu ‘Covid-19 lockdown lai a si ruangah zohman kan sawm lo, kan innsang member lawng kan um’ a ti. Palik pawlin thubuai an ngankhum ih mi tuahmawhtu cu kai dingin an hawl rero lai.

Be the first to comment

Leave a Reply

Your email address will not be published.


*