Zihmui A Ṭul Ve Lo! A Taksa Hi A Hmuicia Ih A Rimthaw Tuk

Zihmui (perfume) hi minung pawlin kan ṭul tuk, abik takin nunau pawlin an uar cuang. Taksa a hmui ahcun mah le mah rinsan awknak khal a suahter. Vietnam nunau 2 hi an danglam zet, zihmui an ṭul ve lo ih an taksa hi a hmuicia.

Seokjang Province ih um tlawng sayama Dang Thi Tuy in taksa danglam zet anei, a taksa hi a rimthaw tuk. A theihsuahdan cu: “Nikhat cu a cau tuk ruangah a taksa hmetaw ter dingin hmetawknak dawr ah ava feh ih a kut le ke an hmet rero laiah pangpar rimthaw tuk vek an thei ih an hnim rero.

Cumi ihsin a taksa in zihmui a ṭullo ti a theiaw suak, zan ahhin a rimhmui cuang. Thlabial zan (full moon) zan ahcun an venghnen pawl khalin a rim an theithei, Doc La Binh Duong’s YouTube channel ah a thuhla hi an tarlang ih a lar phah zet.

Himi hnuah Kian Sang province ih um Ms Dung in a taksa in rimhmui a suah ṭheu thu a relsuak ve ih media pawlin an va zingzoi cu arak dik ngai. Ms Dung in, “Zihmui ka hmang dah lo, ka taksa in zihmui vek rimthawi zet a suah ṭheu. Ka rak relsuak dah lo” a ti. Ziangtin an taksa ihsin rimhmui an suak thei ti cu leitlun mifim pawl khalin an zingzoi suak thei hrih lo.

Be the first to comment

Leave a Reply

Your email address will not be published.


*