Zinghnam In Australia Ram An Nuai, Zinghnam Pampi A Tlung, Minung Khal An Keu

Leitlun ramtinkim in buainak an nei thluh, Australia ram a kang ciamco hnuah Covid-19 thlisia a hrang ih an dinhmun a ziaum deuh thlang tiah zinghnam in an nuai ciamco sal.

Australia’s New South Wales ramsung ih lo hnaṭuan pawl an nuai nasa bik, an loram sungih an thilcin mi pawl an rak eisak thluh. Zinghnam cu an that rero nan an pung deuhdeuh ti a si, innsung khalah an lut ih minung tiang an keu.

Siizung sung khalah an lut ih damlo pawl an keu thu theih a si, innsung tidai retnak tank le bungbel sung khalah zinghnam an rak um. An meisa hri khal an rak keucat ruangah meisa nei lo an um phah, New South Wales cozah in zinghnam tursii Bromadiolone cu India ram ta a cah lai.

An cahmi zinghnam tursii cu a thazang a cak tuk ih nazi 24 sungah zinghnam an thi hngel. Litres 5000 rori an cah nan cozahpi ih cohlangnak an hngak lai, a san cu zinghnam tursii ruangah ramsa dang le innvulh rannung pawl khal an thi thei ve ih Australia cozahpi in a siang asilen zinghnam tursii cu an kap ding.

Leitlun mifim pawlin Covid-19 ruangah le rambuai ruangah ramsa pawl khalin ei le in ding an rak tlasam ve ih a hlan hnakin an sual deuhdeuh ding tin an rak phuang zo.

Be the first to comment

Leave a Reply

Your email address will not be published.


*