Zinghnam Tumpi In Pitar Damlo A Ei Tum, Hliamhma Nasa Zet A Tuar, Zinghnam Cu An Kap That

England, Nottinghamshire khua ih um pitar kum 76 mi Diana cu May 9 zan ah zinghnam tumpi in a ei tum. A keu ciamconak ah hliamhma nasa zet a tuar, a thisen tampi a suak.

Diana cu damlo besia a si ih a feh thiṭha thei nawn lo, a pasal thawn kum 36 sung an neiaw zo. Himi zan ah a pasal cu innpar ah a riak, a pasal cu ralkap ṭuan zo a si. An hmunchar ah vate rawl an pe ṭheu ih cumi vate rawl cu zinghnam in arak ei ve ringring hnuah an innsung ah a khuasa.

Himi zan ah a pasal in innhnuai lamah thawmvang a thei lo nan thil thupi tuk ah a ruat lo. Zinglam nazi 6:00 ah a nupi cu lakphak pe dingin innhnuai khan ah ava feh ih a nupi cu thihnai in a khat. A hmai le a hngawng ah zinghnam keunak hliamhma nasa zet aum.

A pasal in, “Ralkap ka ṭuan laiah ralram ah kan va feh, ka kiangih it ralkap pakhat cu a lu ah an kap ngah ih a lu a parh thluh. Cumi aiin ka nupi hliamhma tuar ka hmu cu ka ṭih sawn, a rapthlak sawn. Rambo zuknung vek rori a si” a ti.

Diana cu a thluak a thi/siat zo ruangah a taksa in naa a thei nawn lo, a thisen khal a dum thluh zo ruangah zinghnam in ei a tumnak a si. Zinghnam tumpi cu an innhnen tei in an awk ngah ih meithal in an kap that. Diana khal tualsung siizung ah an tlanpi lohli ih a taksa an thianfai hnuah siivai an dawt ih an tuamhlawm rero lai.

Be the first to comment

Leave a Reply

Your email address will not be published.


*