Zohthimtlak Dr. Haw Te

Falam Pawlpi Mino Yangon Volunteer kiangah um in nikhat hnu nikhat, zing in zan tiang dam lo pawl a tuamhlawm rero. Laimi in Sii thiam tampi kan neihmi lakah Dr. Haw Te hi zohthimtlak pakhat cu a si.

Myanmar ram cu Covid-19 natsia in a nuai ciamco ih dawr tampi an khar, sibawi tampi in an hna an colhsan hrih ih siizung ṭhenkhat khal an khar.

Cuvek lakah Dr. Hawte cu amah rori fehsuak in damlo pawl inn ah ava tuamhlawm. Dr. Tha Za Haw Cin cu Pu Za Kulh Luai le Pi Sui Cung tei fanu a si ih University Of Medicine 1, Yangon ah siivai lam a zirsuak. Yangon ah um in Green Cross Hospital ah hna a ṭuan, laitlang an khua cu Tlauhmun a si.

Heli Lal Remte in “Thihnak le nunnak kar lakah, dam lo pawl inn sangih, luhcilh ngam tu Dr. Hawte. Kan mi le sa dam lo in an um ruangah, siizung, siikhan tin in, tulai fangah, mina tin kim an zoh ngam lo.

Cui laiah kan laicin Pu Za Kulh Luai le Pi Sui Cung ih fanu Dr. Haw te cun! Nunnak thap ngam in mipi hrangah a pumpe aw hi, uar a um in upat sunlawihnak kan pek a si.

Falam Rescue Team, Yangon thawn tuantlang dingin, kan ti awk veten, call-tu kan nei hngal ih, Mizan sun lamah Hlegu ah siseh, Tui sunah Hmawbi, Insein, N. Dagon ah sunvui in minaa a zoh. Hi bang ih a pekawknak zarah minaa pawl in damnak hmu cio hram sehla. Amah khal Pathian in malsawm sinsin seh tiah sunglawi upatnak kan hlan a si” tin a tarlang.

Be the first to comment

Leave a Reply

Your email address will not be published.


*