Zonuam Khuami Damlo Bese, Bom A Ṭul Tuk

Kalaymyo, Zonuam khuami Pa Thawng Nei San ( Kum-42 ) hi a kaileng pahnih rori in hnaṭuan ṭha theilo. Cui hleiah ( Hepatitis B ) le lunghri fiak thawn a siih a nat a khirhkhan zet.

April 9, 2018 in Wesley sizung ah zarhhnih sung a um. Malte a zia um deuh tiin an suak nan a ṭha theilo ih thlatin a lang in Dr. Nging Lat hnen ah an piah aw ṭheu. Veikhat piahawk ah 100,000 hrawng cem a si. Himi hi thlakhat daih lawng a si.

Sibawi ih an pekmi si a ei sungcu innsang hnaṭuan thei in a khawsa phah. Cun Dr. Nging Lat in hmunpi ( Yangon lole Madalay ) lam panih tuamhlawm awk thei cun damthei lai dingin a rel. Tahan ahcun ti ngaihnak um nawn lo dinhmun a si. Asinan tuhi si leinak le sikhan fehnak khal an nei nawnlo.

Fate hi unau (5) an nei nan an pabik damlo ruangah innsang an harsa ih ( Children Home ) ah unau thum an ret. Pathian mithmai zohih kutza a san theitu kan um le bomnak pek theih ringring a si. Anmah in Phone an neihlo ruangah Rev. Thawng Hmung hnen ah pehtlaih theih a si. Ph no. 09265645178 (#Awnmawi Zuun)

Be the first to comment

Leave a Reply

Your email address will not be published.


*