ZRA In CDM Tuah (3) An Kai Ih An Vuak

Chin State, Tedim peng, Cingpikot khua ah ZRA pawlin CDM tuah tlawng zirhtu 2 le CDM tuah palik pakhat an kai ih an vuak ciamco. June 19, 2022 simlam nazi 3:30 hrawngah ZRA ralkap 12 cu meithal thawn Cingpikot khuasung ah an va lut.

Cingpikot khua kiang khalah meithal an kap. CDM tuah pathum cu hridai in an tawnbet ih thlanmual lamah an hruai ih an vuak ciamco hnuah, “Nangmah ruangah khua ah tlawnginn an ong thei lo. Kan lo that aiah nan phone hi kan la sawn ding. June 25 hlanah khua ihsin suak uh, nan suak lo asilen kan lo that ding” tin an hringhro.

Zanlam nazi 6:00 hrawngah an thlahsal ih an phone cu an laksak thluh. Bike thawn an va hruai ih an vuak nasat tuk ruangah bike khal an to áš­ha thei lo, dunglam ihsin an kaibet ih an taksa parah hliamhma a khat.

ZRA pawlin an hringhro ruangah saya pakhat cu an khua ihsin hmundang ah a thawn’aw zo. Tualsung mi pakhat in, “Kan dung zarh ah tlawng Sayama Gyi le khuanu khuapa pawl tonkhawm awknak an nei. CDM tuahtu an tam tuk ruangah tlawnginn ong dingah harsatnak aum ih tlawnginn an khar ding thu an rel. Curuangah ZRA pawlin CDM tuahtu hi an ra kai a si ding” a ti.

Kan dung May 30 ah ZRA pawlin tlawnginn ong hi an duh thu le tlawngkai nauhak pawl hnaihnoktu, tlawnginn, siizung lam hnaihnoktu cu hremnak an pe ding thu an tarlang.

Be the first to comment

Leave a Reply

Your email address will not be published.


*