ZRA In PDF-Zoland Hruaitu Pakhat An That

Chin State, Tedim Township, Sakaw veng sungih PDF-Zoland, Tedim ramsung ih ṭuanvo latu Pu Cin Sian Sum (kum 38) cu November 5, 2021 zinglam nazi 4:00 hrawngah ZRA ralkap pahnih in an kap that thu theih a si.

PDF-Zoland thuphuangtu in, “Mizan ah Pu Cin Sian Sum cu ZRA upa in an phone, an sakhan ah ra aw an ti. Pu Cin Sian Sum in a damlo ruangah a feh thei lo ding thu a sim, ZRA in na ṭih asilen pastor 2 thawn ra uh’ an ti. Asinan Pu Cin Sian Sum in nikhua a ṭha lo, khua a dai thawn a feh thei lo ding thu a sim thei sal.

ZRA upa in hitin cun a ngah zo, kan tuah ṭulmi pawl kan tuah vivo ding an ti. Pu Cin Sian Sum cu a thin nuam lo zet, mizan khal an inn ah a riak lo ih a unu tei innhnuai khan ah ava riak. Zinglam ah ZRA pahnih in an va kap that. A unu in zinglam nazi 4:00 hrawngah “Ka naupa hi ZRA pawlin an ra that, in bawm hram uh” tin an sungkhat pawl a phone nan zan vahsuah khamnak thupek aum lai ruangah an feh lohli lo” a ti.

PDF-Zoland pawlin an riahsiatnak thu an tarlang ih diklo zet ih thatawknak hi an zingzoi vivo dingih thudik an phosuak ding, diknak in lai a rel hlan lo an cangvai vivo ding thu an tarlang. Cun, Pu Cin Sian Sum kap thattu ZRA pahnih khal an thei zo thu an tarlang.

November 29 ah ZRA sungṭuan pakhat cu Kalaymyo ihsin ca poimawh kengih a so ih Kalay-Taingen lamzin ah a hlo, zo pawlin an kai ti cu theih a si lo nan cutawk ihsin an buai thok. PDF-Zoland in himi mihlo thuhla ah pehtlaih awknak an neih lo thu ca an suah zo. Ahlan khalah ZRA in PDA, PDF-Zoland le PDF -Hualngo umhmun khuarnak cu an rak kap ṭheu.

Be the first to comment

Leave a Reply

Your email address will not be published.


*