Zun Suak, Ek Suak Sup A Ṭha Lo Tuk

Zun le ek cu minung pianphung a si ruangah zun suak le ek suak tikah ningzak ding thil a si lo. Zun suak thei lo, ek suak thei lo ruangah siizung ih um khal mi tampi an um.

Siibawi thiamsang pawlin zun suak le ek suak hi sup a ṭha lo. Damlonak phunphun a suahter thei tin an phuang. Zun le ek an sup rei tuk asilen thisen fehdan a dik lo, cuap hnaṭuandan khal a siatsuah.

Zunbawm/zun’inn, phu khal a thling thei. Curuangah zun le ek a suak tikah cun khuitawk hmun ih na um asikhallen ekinn hawl lohli awla thawh hluahhlo mai aw. Harhdamnak cu sansaunak a si.

Be the first to comment

Leave a Reply

Your email address will not be published.


*