Zuri Sabah Ih Mipi Pawl Hringhro Ṭheutu Palik Bawi Umnak Sakhan Ah Bomb An Puah

Bago, Kyauktadakha Township, Phado khua ih palik bawi Kyaw Zeyar Myint cu palik sual hminthang a si. Zu a ri ringring ih mipi pawl a hringhro ṭheu, khuasung mipi pawl ih an ṭihbik mi khal a si.

March thla ah mipi daiten lamzawhtu pawl kap hmaisabiktu palik khal a si. May 21 zan nazi 9:00 hrawngah a umnak palik sakhan cu lamzinkap ihsin zo ti theih lo in bomb in an deng puak.

Bomb an deng puak hnuah meithal awn vei 20 hrawng theih bet a si, mithi an um le um lo cu theih a si lo nan palik bawi Kyaw Zeyar Myint cu hliam nazet a tuar.

A kut le a hmaiah hliamhma a tuar ih siizung lamah an tlanpi hngal, bomb dengtu cu an kai ngah lo tin vengsung mipi pawlin media hnenah an sim.

Be the first to comment

Leave a Reply

Your email address will not be published.


*