Zuri Tuk In Bus Tumpi A Ru, Inn Tlunnak Ah A Hmang Ih “Zianghman Ka Thei Nawn Lo” A Ti

England, Poole khua ih um pacang kum 52 mi Stephen le a rualpa cu zuhmun ah an va feh ih zu le siivai an ri. Zanṭim laiah an tlung ih a rualpa thawn hmun dangdang ah an feh.

Zan nazi 1:00 hrawngah Stephen cu a talbuai, an inn tlunnak ding lamzin cu a hla tuk. Curuangah bus tumpi, bus dot-hnih pawl a ru ih inn tlunnak ah a hmang. Tualsung palik pawlin bus a hlo ti an theih veten an hawl ih Stephen tei inn kiangah an va hmu, CCTV an zoh hnuah Stephen cu an kai.

Stephen hi kum reipi ralkap rak ṭuan zo a si. Zan nazi 1:00 hrawngah khuasung bus retnak hmun ah an hmu, bus sungah a lutthup ih nazi 1:00 sung hrawng a itthat. A thangharh hnuah bus cu a mawng, zu a rit tuk ruangah bus cu a siatsuah.

Lamzin kap ih ding motor a pah siat lai khal an hmu. Thu an suhnak ah Stephen in, “Zianghman ka thei nawn lo. Zuknung vekin malte cu ka thei, a ngaingai ah arak cang” a ti. Palik pawlin cawh an kuanter hnuah thla 6 sung simfiang awknak caan an pe.

Be the first to comment

Leave a Reply

Your email address will not be published.


*