Zwegabin Tlang Par Ah Tlangval Ih Fehsan Mi Fala Cu Thicia In An Hmu

Karen State, Zwegabin tlang parah fala le tlangval an va kai, March 30, 2022 sun ah fala le tlangval cu tlang parah an va kai ih simlam ah tlangval lawng tlangpar ihsin a ṭum. Fala ih mawng mi bike cu tlang hnuaiah aum ringring ruangah tlangpar ah an va hawl nan an hmu lo.

Fala cu kum 22 mi Ma Zarchi Hlaing a si ih university ah kumhnihnak a kai lai. Tualsung mi pakhat in,”Ma Zarchi Hlaing cu fala mawi zet a si, milian innsang an si” a ti.

Tualsung mipi le mibawmtu pawlkom in sun le zan in an hawl rero nan an hmu thei lo lawk. Ni 2 hnu April 1, 2022 zinglam ah a kedam pakhat an hmu, a kedam an hmuhnak kiangkap cu an hawl ciamco ih thinghnah thawn khuhmi fala ruak cu an hmu ngah.

A lu ah hliamhma a tuar, a ruak cu leilung le thinghnah thawn an rak khuh. Amah thawn tlang par kaitlang mipa cu hmun dangah arak tlanhlo ih thuneihtu pawlin an hawl rero lai, tlang parah ziangthil a thleng ti cu an theifiang hrih lo ih tlangval an kaihngah hnu lawngah an theifiang ding.

Be the first to comment

Leave a Reply

Your email address will not be published.


*